Bizimyol saytına istinadən ain.az xəbər verir.
ABŞ-da İranla müharibəyə etiraz məqsədilə mitinq keçirən 62 amerikalı veteran və hərbi qulluqçuların ailə üzvləri saxlanılıb. Hadisə Konqresin bir ofis binasında baş verib.
Bizimyol.info xəbər verir ki, bu barədə ABŞ qanunverici orqanının mühafizəsindən birbaşa məsul olan müstəqil federal hüquq-mühafizə orqanı, Kapitol polis idarəsi məlumat yayıb.
Bir neçə amerikalı veteran qrupu, o cümlədən İraqda müharibədə iştirak edənlər, Konqresin Nümayəndələr Palatasının ofis binasında mitinq keçirməyə qərar verib. Orada etiraz aksiyaları qadağan olunsa da, onlar binanın qarşısında dayanaraq əllərində ABŞ zərbələri nəticəsində həlak olmuş iranlılara hörmət əlaməti olaraq qırmızı lalələr tutublar. Nümayişçilər “İrana qarşı müharibəni dayandırın” şüarları yazılmış plakatlar açıb və sülh tərəfdarı şüarlar səsləndiriblər. Onlar Nümayəndələr Palatasının spikeri Mayk Consonun (Luiziyana ştatından respublikaçı) onlarla görüşüb Tehranla hərbi əməliyyatın maliyyələşdirilməsindən imtina etməsi vədini verməsini tələb ediblər.
İranın Şəhidlər Fondu rəhbəri Seyid Əhməd Mosavi məlumatına görə, ABŞ və İsrail zərbələri nəticəsində İslam Respublikasında təxminən 3,5 min nəfər həlak olub.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
