ABŞ, Yaponiya və digər beş ölkədən 17.000-dən çox əsgər Filippində Balikatan təlimlərinə başlayıb.
Ucnoqta.az xəbər verir ki, bu barədə PNA xəbər agentliyi Filippin Silahlı Qüvvələrinin Baş Qərargah rəisi Romeo Braunerə istinadən məlumat verib.
O, əlavə edib ki, manevrlər zamanı qoşunlar hava və raketdən müdafiə texnikalarını, eləcə də dəniz təhlükəsizliyini tətbiq edəcəklər.
ABŞ Dəniz Piyadaları Korpusunun mətbuat xidmətinin məlumatına görə, tərəflər həmçinin sualtı qayıqlara qarşı müharibə, simulyasiya edilmiş düşmən gəmilərinə qoşunların desant çıxarılması və xilasetmə əməliyyatları aparacaqlar.
Bundan əlavə, qoşunlar logistika və humanitar missiyalar üzrə təlim keçəcəklər. ABŞ tərəfi təlimləri Filippinin tarixindəki ən böyük adlandırdı.
Agentliyin məlumatına görə, daha 18-dək ölkə müşahidəçi qismində iştirak edir; konkret siyahı açıqlanmır.
Təlimlər 8 maya qədər davam edəcək.
