ain.az bildirir, futbolpress-az saytına əsaslanaraq.
ABŞ, Kanada və Meksikanın ortaq ev sahibliyi edəcəyi 2026-cı il Dünya Çempionatının biletləri çərşənbə günü ilk dəfə açıq satışa çıxarılıb.
Futbolpress.az xəbər verir ki, qiymətlər gözlənilən hədləri qat-qat üstələyib.
Final oyunu üçün biletlərin qiyməti 10 990 dollara qədər yüksəlib. Bu, bir futbol matçına rəsmi giriş üçün indiyə qədər qeydə alınan ən baha qiymət kimi tarixə düşüb. Halbuki, təşkilatçı ölkələr ilkin müraciət sənədlərində final biletlərinin maksimum 1 550 dollar olacağını bildirmişdilər.
FIFA rəsmi qiymət strategiyasını açıqlamasa da, bilet satışında “dinamik qiymət” sistemindən istifadə olunur. Yəni tələbat artdıqca, qiymətlər də avtomatik olaraq yüksəlir.
Hazırda azarkeşlər bu kəskin qiymət artımına görə sosial mediada FIFA-nı kəskin tənqid edirlər.
Ən son xəbərləri və yenilikləri almaq üçün ain.az saytını izləyin.
