ABŞ Prezidenti Donald Tramp bəyan edib ki, Şimali Atlantika Alyansındakı (NATO) müttəfiqləri İran ətrafındakı vəziyyətdə Vaşinqtonu dəstəkləməkdən imtina etməklə özlərinə ciddi problem qazanıblar.
Las-Veqasa səfəri öncəsi Ağ Evin cənub qazonunda jurnalistlərin suallarını cavablandıran Amerika lideri qeyd edib ki, əvvəlki illərdə müttəfiqlərin çətinliyi yarananda ABŞ hər zaman köməyə gəlib.
Trampın sözlərinə görə, baş verə biləcək daha böyük hadisələrlə müqayisədə kiçik bir qarşıdurma sayıla biləcək bu məsələdə müttəfiqlər lazımi dəstəyi nümayiş etdirməyiblər. ABŞ prezidenti hesab edir ki, bu cür mövqe gələcəkdə baş verə biləcək daha irimiqyaslı toqquşmalar zamanı həmin ölkələrin yardım göstərəcəyinə dair şübhələri artırır və məhz buna görə də onlar özləri üçün gələcəkdə problem yaradıblar.
