ABŞ Hərbi Hava Qüvvələrinin Milli Qvardiyası, qırıcı təyyarələrin kəskin çatışmazlığına diqqət çəkərək, Konqresdən döyüş təyyarələrinin satınalmalarını artırmağı xahiş edib.
Ölkə.Az "Military Watch Magazine" jurnalına istinadən xəbər verir ki, müvafiq məktubu 20-dən çox ştatın general-adyutantı imzalayıb.
Müraciətdə deyilir: "ABŞ Hərbi Hava Qüvvələri öz 78 illik tarixboyu ən köhnə, ən azsaylı və döyüşə ən az hazır vəziyyətdədir". Qvardiya hər il 72-dən 100-ə qədər yeni qırıcı təyyarənin alınması üçün çoxillik maliyyələşdirmə tələb edir, halbuki hazırda satınalmalar ildə 48-64 təyyarədən çox deyil.
Aydaho ştatı Milli Qvardiyasının rəhbəri, briqada generalı Şennon Smit xəbərdarlıq edib ki, qırıcı donanması sürətlə köhnəlir. "Bir neçə ildən sonra onlar nəinki aktual qalmaqda, hətta uçuşa yararlı vəziyyətdə qalmaqda çətinlik çəkəcəklər" — deyə o, təəssüfünü bildirib.
