Brüssel Yaxın Şərq münaqişəsinin davam edəcəyi təqdirdə birliyə üzv ölkələrə uzunmüddətli enerji böhranı barədə xəbərdarlıq edib.
AFN.az xəbər verir ki, bu barədə "Reuters" agentliyi diplomatik mənbələrə istinadən məlumat yayıb.
Avropa Komissiyasının (AK) ssenarilərindən birinə görə, böhranın uzanması enerji bazarlarında uzunmüddətli təklif şoku və kəskin qiymət artımları ilə nəticələnəcək ki, bu da müxtəlif sahələrdə təchizat zəncirlərinə ciddi təsir göstərəcək. AK-nın versiyasına görə, neft tədarükündə davam edən fasilələr yanacaq istehlakının azalmasına gətirib çıxaracaq.
Belə şəraitdə qış dövrünə hazırlıq üçün qaz anbarlarının doldurulması problemli məsələyə çevriləcək. Brüssel həmçinin aviasiya yanacağının "lokal qıtlığı" ehtimalını da istisna etmir.
Məlumata görə, Aİ-nin ali icraedici orqanı Ukrayna münaqişəsinin başlanğıcında tətbiq edilən fövqəladə tədbirlərə bənzər addımların atılması imkanlarını araşdırır. Brüssel həmçinin kondisioner sistemlərində temperaturun tənzimlənməsi, distant işin təşviqi, hətta yanacaq normalarının müəyyən edilməsi və uçuşlara məhdudiyyətlərin qoyulması kimi qısamüddətli tədbirləri nəzərdən keçirir.
