ABŞ-da çip və texnologiya ixracına icazə verən qurumda ciddi gecikmələr yaranıb. Bloomberg-in məlumatına görə, süni intellekt və yarımkeçirici şirkətlərin ixrac icazələri aylarla uzanır, bu da böyük müraciət yığılmasına səbəb olub.
QHT.az xarici mediaya istinadən bildirir ki, Kanada, Yaponiya və Böyük Britaniya kimi müttəfiqlərə çip ixracı üçün icazə müddəti 2025-ci ildə orta hesabla 76 günə çatıb. Bu isə 2023-cü illə müqayisədə iki dəfə çoxdur. Sənaye nümayəndələri bu gecikmələrin ABŞ-nin qlobal rəqabət qabiliyyətinə zərər verdiyini deyirlər.
Məlumata görə, ABŞ administrasiyasının diqqətinin İranla bağlı müharibəyə yönəlməsi də prosesləri ləngidib. Eyni zamanda, Çinlə planlaşdırılan yüksək səviyyəli görüş də təxirə salınıb.
Bundan başqa, qurumda işçi sayı azalıb və rəhbər vəzifələr uzun müddətdir boşdur.
