Qusarda qayınata kürəkəninə təpiklə vuraraq ona ağır xəsarət yetirib.
AzNews.az Qafqazinfo-ya istinadən xəbər verir ki, hadisə rayonun Atlıxan kəndində baş verib.
Belə ki, 1961-ci il təvəllüdlü Fərhad Hacımuradov (şərti) kürəkəni Vüsalın qarın nahiyəsinə təpiklə zərbə endirib. Nəticədə Vüsalın bağırsağı zədələnib. O, təcili xəstəxanaya çatdırılıb və əməliyyat olunub.
Müəyyən edilib ki, 65 yaşlı kişi gecə 02 radələrində kürəkəninin Qusar rayonu Atlıxan kəndində yerləşən evinə gedib.
O, Vüsalın mütəmadi olaraq spirtli içki qəbul etməsi, qızı ilə heç bir əsaslı səbəb olmadan münaqişə yaratmasına görə öz iradını bildirib. Bu zaman kürəkən qayınatasını təhqir edib. Buna əsəbiləşən kişi qızının ərinin qarın nahiyəsinə qəsdən bir dəfə təpik zərbəsi vuraraq, sonuncuya “qarının küt travması nəticəsində nazik bağırsağın cırılmasından baş vermiş irinli yayılmış peritonitdən sonrakı toksiki sepsis” xəsarəti yetirib.
