Super Liqa: “Qalatasaray” “Göztəpə”ni 3 qolla yendi

Bu gün futbol üzrə Türkiyə çempionatında (Super Liqa) 2025/2026-cı illər mövsümünün 27-ci turundan təxirə salınmış bir oyun keçirilib.

Arena.az xəbər verir ki, günün yeganə oyununda lider “Qalatasaray” səfərdə “Göztəpə” ilə üz-üzə gəlib.

Dörd qolun qeydə alındığı qarşılaşma İstanbul təmsilçisinin inamlı qələbəsi ilə yekunlaşıb.

Bu nəticədən sonra “Qalatasaray” 67 xalla vahid liderdir. Lideri 63 xala malik “Fənərbağça” ilə “Trabzonspor” izləyirlər. “Beşiktaş”ın 52, “Göztəpə”nin 46, “Başakşəhər”in 44, “Samsunspor”un 36, “Kocaelispor” və “Qaziantep”in 34, “Alanyaspor”un 32, “Konyaspor”un 31 xalı var.

Türkiyə, Super Liqa
27-ci turun oyunu
8 aprel

Göztəpə – Qalatasaray 1:3
Qollar: Juan Santos, 50 – Barış Alper Yılmaz, 5. Allan Qodoi, 19-öz qapısına. Mario Lemina, 75.