Avroliqa: “Betis” və “Braqa”dan ilk oyunda heç-heçə – ARENA.AZ

Bu gün futbol üzrə Avropa Liqasında (Avroliqa) 2025/2026-cı illər mövsümünün 1/4 final mərhələsinə start verilib.

Arena.az xəbər verir ki, ilk oyun günündə bir qarşılaşma baş tutub.

İspaniya təmsilçisi “Betis” Portuqaliyada “Braqa”nın qonağı olub. “Estadio Municipal de Braga”da keçirilmiş oyunda qalib müəyyənləşməyib – 1:1. Ev sahiblərinin heyətində Florian Qrilliç (5) fərqlənib. Qonaq komandanın qolunu isə penaltidən Xuan Kamilo Ernandes (62) vurub.

Avroliqanın 1/4 final mərhələsinin digər ilk oyunları sabah – aprelin 9-da keçiriləcək. Bu mərhələnin cavab qarşılaşmaları isə gələn həftə – aprelin 16-da baş tutacaq.

Avropa Liqası
1/4 final mərhələsinin ilk oyunları
8 aprel

Braqa (Portuqaliya) – Betis (İspaniya) 1:1
Qollar: Florian Qrilliç, 5 – Xuan Kamilo Ernandes, 62-pen.

9 aprel

23:00. Bolonya (İtaliya) – Aston Villa (İngiltərə)
23:00. Portu (Portuqaliya) – Nottingem Forest (İngiltərə)
23:00. Fraybuq (Almaniya) – Selta (İspaniya)