Premyer-liqada 26-cı tur geridə qaldı. Son nəticələr "Sabah"ı Çempionlar Liqasına, "Karvan-Yevlax"ı 1-ci liqaya daha da yaxınlaşdırdı. "Turan Tovuz" un 3-cü pillənin sahibi olmaq ehtimalı artdısa, 4-cü yer uğrunda mübarizə gərginləşdi. Ümumiyyətlə, bu gün yalnız bu sıranın sahibini təxmin etmək çətindi.
İndi növbəti - 27-ci tura boylanmaq vaxtıdı. Artıq hansı komandalarının cəzalı futbolçularının olduğu da bəllidi.
"Football-plus.az"ın məlumatına görə, "Qarabağ"dan Dani Bolt, "Kəpəz"dən Dioqo Verdaşka, "İmişli"dən Dioqo Almeyda, "Turan Tovuz"dan Alexandro Serrano, "Şamaxı"dan Karim Rossi ilə Diqolo Balau, "Araz-Naxçıvan"dan isə Urfan Abbasov qarşıdakı oyunlarda forma geyə bilməyəcək.
Xatırladaq ki, 27-ci turun oyunları aprelin 10-12-si aralığında keçiriləcək.
KƏNAN BAHADIR
- Ночной Режим
- Домашняя страница
- Статистика
- Источники
- Рейтинг
- Погода
- Валюта
