Müəllif:Mehin Qasımova,Banco.az
Almaniyanın avtomobil nəhəngi "Mercedes-Benz" "EQ technology G580" modellərində ciddi təhlükəsizlik qüsuru olduğunu açıqlayıb.
Banco.az xəbər verir ki, ABŞ Milli Yol Hərəkəti Təhlükəsizliyi Administrasiyası (NHTSA) tərəfindən dərc edilən hesabata görə, nəqliyyat vasitəsindəki təkər boltlarının hərəkət zamanı boşaldığı və bunun da təkərin ayrılmasına səbəb ola biləcəyi müəyyən edilib.
Texniki araşdırmalar göstərirki, sözügedən boltlar, xüsusən də təkrarlanan sərt sürücülük şəraitində və təkər dəyişdirildikdən sonra boşalmağa meyllidir. Şirkət bunun sürücülük təhlükəsizliyini təhlükə altına ala biləcəyi barədə xəbərdarlıq edib və istifadəçilərə nəqliyyat vasitələrini ən yaxın səlahiyyətli servis mərkəzinə aparmağı tövsiyə etdib. "Mercedes-Benz" Türkiyə rəsmilərindən yerli bazardakı nəqliyyat vasitələrinin texniki yoxlama prosesləri ilə bağlı açıqlama gözlənilir. Qlobal geri çağırış prosesinin bir hissəsi olaraq diler mərkəzlərinə müraciət edən müştərilərin nəqliyyat vasitələrinin bolt sistemlərinin pulsuz yoxlanılacağı və lazımi dəyişdirmələrin ediləcəyi qeyd edilib. Dünyanın ən populyar SUV-lərindən biri olan "G-Wagon" seriyasının elektrik versiyasındakı bu texniki nasazlıq brendin nüfuzlu modellərinə nəzarəti gücləndirməsinə səbəb olub. Şirkət potensial qəza risklərini minimuma endirmək üçün geri çağırma prosesini sürətləndirməyə qərar verib.
