Son araşdırmalar göstərir ki, düzgün qidalanma beyin sağlamlığı üçün fiziki məşqlər qədər effektiv ola bilər.
Pravda.az bildirir ki, dietoloqlar və neyroloqlar bəzi qidaların beyində "məşq effekti" yaradaraq koqnitiv funksiyaları (yaddaş, diqqət, öyrənmə) artırdığını sübut ediblər.
Beyni "məşq etdirən" əsas qidalar:
Omeqa-3 yağ turşuları: Xüsusilə yağlı balıqlarda (somon, skumbriya) tapılan bu yağlar, beyin hüceyrələrinin strukturunu qoruyur və iltihabı azaldır.
Antioksidant zəngini meyvələr: Qaragilə, çiyələk və digər tünd rəngli meyvələr beynin yaşlanmasını ləngidir və hüceyrəarası rabitəni gücləndirir.
Qara şokolad: Tərkibindəki flavonoidlər sayəsində beyinə qan axınını sürətləndirir, fokuslanma qabiliyyətini artırır.
Qoz və dənli bitkilər: E vitamini ilə zəngin olan bu qidalar, yaşla bağlı zehni geriləmənin qarşısını almağa kömək edir.
Sarıkök: Tərkibindəki kurkumin maddəsi yeni beyin hüceyrələrinin böyüməsinə kömək edən BDNF hormonunu artırır.
Niyə bu, məşq effekti yaradır?
Bu qidalar sadəcə enerji vermir, onlar beyində neyroplastikliyi (beynin yeni əlaqələr qurma qabiliyyəti) stimullaşdırır. Necə ki, idman əzələləri bərkidir, bu qidalar da neyronlar arasındakı bağları möhkəmləndirərək zəka çevikliyini təmin edir.
Əminə Bayramova
