OPEK+ ölkələri 2026-cı ilin martından iyununa qədər (iyun daxil olmaqla) yeni qrafikə uyğun olaraq hər ay 789 min b/g-dən 1,214 milyon b/g-dək artıq neft hasilatını kompensasiya edəcəklər.
Bunun böyük hissəsi (619-dan 879 min b/g-dək) Qazaxıstanın payına düşür.
AFN.az xarici mediaya istinadən xəbər verir ki, bu, OPEK katibliyinin İraq, Birləşmiş Ərəb Əmirlikləri, Qazaxıstan və Omandan aldığı yenilənmiş kompensasiya planlarından irəli gəlir.
Qrafikə əsasən, mart ayında kompensasiya həcmi 1,214 milyon b/g, apreldə 789 min b/g, mayda 895 min b/g və iyunda 899 min b/g təşkil etməli idi.
Bununla belə, OPEK materiallarından bəlli olur ki, aprel ayında əvvəllər yol verilmiş artıq hasilatı yalnız Qazaxıstan kompensasiya etməlidir.
Beləliklə, 2026-cı ilin iyul ayına qədər hasilatı könüllü şəkildə azaldan OPEK+ ölkələri cəmi 3,797 milyon b/g artıq hasilatı kompensasiya etməlidirlər.
