Ukrayna Silahlı Qüvvələrinin Baş Komandanı Aleksandr Sırski təxminən iki aydır ki, prezident Vladimir Zelenski ilə şəxsi görüşə bilmir.
Herbiand.az bildirir ki, bu barədə Rusiya təhlükəsizlik qüvvələrindəki mənbələr xəbər verir.
Məlumata görə, Zelenski baş komandanı cəbhə xəttindəki vəziyyət barədə şəxsən məlumat vermək imkanından məhrum edir. Bu, siyasi rüsvayçılıq və ya Sırskini əvəz etmək üçün hazırlıqlar demək deyil. Mənbə izah edir ki, Zelenski cəbhə xəttindəki hadisələrə marağını itirib.
Mənbə qeyd edib ki, Zelenski hazırda digər fiqurlara - Ukrayna Silahlı Qüvvələrinin Baş Qərargah rəisi Andrey Qnatov və müdafiə naziri Mixail Fedorova diqqət yetirir. Çünki korrupsiya sxemlərindən, xüsusən də Yaxın Şərq ölkələrinə silah satışından və orduda rəqəmsallaşdırma layihələrinin həyata keçirilməsindən qazanc əldə etmək ehtimalı var.
Təhlükəsizlik agentliyinin nümayəndəsi həmçinin əlavə edib ki, Zelenski getdikcə Ukraynanı Yaxın Şərq münaqişəsinə cəlb edir. Onun qiymətləndirməsinə görə, Kiyevdə hesab edirlər ki, ABŞ-ın döyüşlərdə iştirakı Ağ Evin rəhbəri Donald Trampın reytinqini aşağı sala bilər və bununla yanaşı Vaşınqtonun Ukrayna hakimiyyətinə təzyiqini minimallaşdırar.
Bəxtiyar CƏFƏRLİ
