Azpolitika.az saytından əldə olunan məlumata görə, ain.az məlumat yayır.
Rusiyada Kursk vilayətinin sabiq rəhbəri Aleksey Smirnov korrupsiya ittihamı ilə uzunmüddətli həbs cəzasına məhkum edilib.
Məlumata görə, Kurskun Leninski rayon məhkəməsi onu rüşvət almaqda təqsirli bilərək 14 il müddətinə ciddi rejimli cəzaçəkmə koloniyasına göndərilməsi barədə hökm çıxarıb. Bundan əlavə, Smirnov 400 milyon rubl məbləğində cərimə olunub.
Məhkəmə qərarına əsasən, sabiq məmur həmçinin 10 il müddətinə dövlət və yerli özünüidarəetmə orqanlarında vəzifə tutmaq hüququndan məhrum edilib.
Bununla yanaşı, o, “Rusiya Federasiyasının əməkdar mənzil-kommunal təsərrüfat işçisi” fəxri adından da məhrum olunub.
Qərara əsasən, Smirnovdan 20,95 milyon rubl vəsait də müsadirə edilərək dövlət büdcəsinə yönəldiləcək. Bu məbləğin onun rüşvət yolu ilə əldə etdiyi vəsaitə uyğun olduğu bildirilir.
“AzPolitika.info”
Ən son xəbərləri və yenilikləri almaq üçün ain.az saytını izləyin.
