Arne Slot “Liverpul”dan ayrılacaq

İngiltərənin “Liverpul” komandasının niderlandlı baş məşqçisi Arne Slot cari mövsümün sonunda bu klubdan ayrılacaq.

Arena.az bu barədə Britaniya mətbuatına istinadən xəbər verir.

İddiaya görə, 47 yaşlı mütəxəssis bu barədə könüllü olaraq qərar verib. O, Mersisayd təmsilçisinin rəhbərliyi ilə məsələ barədə razılığa gəlib. Niderlandlı baş məşqçi mövsümün sonunadək vəzifəsində qalacaq. Bu posta ispaniyalı Xabi Alonsonun gətiriləcəyi gözlənilir.

Xatırladaq ki, Arne Slotun “Liverpul”la müqaviləsinin müddəti 2027-ci ildə başa çatacaq. Komanda hazırda İngiltərə Premyer Liqasında beşinci pillədə qərarlaşıb. Məhz cari mövsümdəki qeyri-sabit çıxış onun postundan ayrılmasına əsas səbəb göstərilir.

Arne Slot 2024/2025-ci illər mövsümünün əvvəlindən “Liverpul”a rəhbərlik edir. 46 yaşlı mütəxəssis ötən mövsüm bu komandanı İngiltərə çempionu edib.