Dövlət dəstəyi proqramı çərçivəsində Qarabağdan Ermənistana könüllü köçmüş 12 mindən çox ailə mənzil almaq üçün müraciət edib, onlardan 7 mininə rədd cavabı verilib.
Musavat.com-un xəbərinə görə, bu barədə Ermənistanın Əmək və Əhalinin Sosial Müdafiəsi Nazirliyi yerli medianın sorğusuna cavab olaraq bildirib.
“İmtinanın əsas səbəbi ən azı bir ailə üzvünün Ermənistan vətəndaşlığının olmaması olub. Ailə üzvlərindən heç biri Daxili İşlər Nazirliyinin Miqrasiya və Vətəndaşlıq Xidmətinin məlumat bazasında məcburi köçkün kimi qeydiyyata alınmadıqda və ya ailə üzvlərindən biri Qarabağın müəyyən rayonlarından köçkün düşmüş ailələr üçün mənzil proqramından yararlanıbsa və ya ailə üzvlərindən birinin Ermənistanda daşınmaz əmlakı olubsa, müraciətlər də rədd edilib”, - nazirlikdən deyilib.
Departamentin məlumatına görə, 5217 ailə Ermənistanın istənilən məskunlaşdırıldığı ərazidə (İrəvanın 1-ci və 2-ci inzibati zonaları istisna olmaqla) daşınmaz əmlak almağa icazə verən sertifikat alıb.
Artıq 2336 ailə sertifikatdan istifadə edib.
Musavat.com
