Azərbaycan millisi bu gün növbəti oyununa çıxacaq.
Fanat.Az xəbər verir ki, seçməmiz “FIFA Series-2026” beynəlxalq turniri çərçivəsində keçirəcəyi ikinci oyunda Syerra Leone yığması ilə qarşılaşacaq.
Ayxan Abbasovun rəhbərlik etdiyi komanda rəqibini Mehdi Hüseynzadə adına Sumqayıt şəhər stadionunda sınağa çəkəcək. Görüş 19:00-da start götürəcək.
Bu, Azərbaycan millisinin tarixində Afrika təmsilçisinə qarşı ilk oyun olacaq.
Millimiz turnirdəki ilk matçında Sent Lüsiya yığmasına 6:1 hesabıyla qalib gəlib. Syerra Leone isə bu turnirdə ilk görüşünü keçirəcək.
Qeyd edək ki, hazırda Azərbaycan millisi FİFA reytinqində 125-ci, Syerra Leone isə 119-cu yeri tutur.
FIFA Series-2026
30 mart
19:00. Azərbaycan – Syerra Leone
Sumqayıt. Mehdi Hüseynzadə adına şəhər stadionu.
Qapıçı: Aydın Bayramov
Müdafiəçilər: Elvin Bədəlov, Bədavi Hüseynov, Krivotsyuk
Yarımmüdafiəçilər: Qismət Alıyev, Aleksey İsayev, Emin Mahmudov, Emil Səfərov, Elvin Cəfərquliyev
Hücumçular: Renat Dadaşov, Musa Qurbanlı
