Avrozona istehlakçılarının inflyasiya gözləntiləri mart ayında kəskin artıb.
Marja xəbər verir ki, bu artımın, İrana qarşı müharibə səbəbindən qiymətlərdə yeni yüksəliş riskini qiymətləndirən Avropa Mərkəzi Bankı (AMB) üçün xəbərdarlıq siqnalı olduğu bildirilir.
Avropa Komissiyasının dərc etdiyi aylıq işgüzar və istehlakçı sorğusuna görə, insanların bir il sonra qiymətlərin hansı səviyyədə olacağını proqnozlaşdırdıqları göstərici fevral ayında 26,2 səviyyəsindən 43,4-ə yüksəlib. Menecerlərin satış qiyməti gözləntiləri də, xüsusilə sənaye sektorunda, kəskin artım nümayiş etdirib.
Komissiya qeyd edib:
“Satış qiyməti gözləntiləri bütün iş sektorlarında uzunmüddətli orta göstəricilərin çox üzərindədir.”
AMB rəsmiləri, enerji bazarındakı sarsıntıların istehlakçı qiymətlərinə daha geniş şəkildə əks olunub-olunmayacağını qiymətləndirərkən inflyasiya gözləntilərini yaxından izləyir. Çərşənbə axşamı açıqlanacaq göstəricilərin Avrozonasında inflyasiyanın bu ay, 2022-ci ildə Rusiya-Ukrayna müharibəsinin başlamasından bəri ən sürətli artımını göstərməsi gözlənilir.
Lagarde xəbərdarlıq etmişdi
AMB-nin sədri Christine Lagarde (Kristin Laqard) keçən həftə xatırladıb ki, dörd il əvvəlki təcrübələr şirkətlərin və işçilərin bu dəfə daha sürətli reaksiya verməsinə səbəb ola bilər. Bankın sədr müavini Luis de Guindos isə bildirib ki, gözləntilər 2% hədəfdən kənarlaşmağa başladığı halda, mərkəzi bank “reaksiya vermək məcburiyyətində qalacaq”.
