ABŞ prezidenti Donald Tramp bir neçə gün əvvəl İranın Amerika hərbi gəmisinə qarşı həyata keçirdiyi genişmiqyaslı hücumun təfərrüatlarını açıqlayıb.
Musavat.com TASS-a istinadən xəbər verir ki, dövlət başçısı bu barədə Mayamidə keçirilən investisiya forumundakı çıxışı zamanı sensasion bəyanatla çıxış edib.
Tramp qeyd edib ki, hücum zamanı ABŞ-nin strateji hərbi obyekti hədəf alınıb:
"Dünyanın ən böyük aviadaşıyıcısına, bizim sudakı çox dəyərli obyektimizə 101 raket atıldı. İran bizə eyni anda 17 fərqli istiqamətdən hücum etdi. Biz həyatımızı xilas etmək üçün qaçırdıq".
Amerika lideri söhbətin konkret hansı gəmidən getdiyini və əməliyyatın dəqiq tarixini açıqlamayıb. Lakin bu açıqlama Pentaqonun regiondakı təhlükəsizlik protokolları və İranla münasibətlərin gərginləşməsi fonunda böyük rezonans doğurub.
Musavat.com
