Futbol üzrə Azərbaycan millisi “FIFA Series – 2026” beynəlxalq turnirində ilk oyununa çıxıb.
Yeniavaz.com xəbər verir ki, komanda Sent Lüsiya yığması ilə qarşılaşıb.
Mehdi Hüseynzadə adına Sumqayıt şəhər stadionunda keçirilən görüş Ayxan Abbasovun komandasının 6:1 hesablı qələbəsi ilə yekunlaşıb.
Millinin heyətində qolları Emin Mahmudov, Rəhim Sadıxov, Musa Qurbanlı, Toral Bayramov, Vüsal İsgəndərli və Rüstəm Əhmədzadə vurub.
Bu nəticə millimizin tarixində ən böyükhesablı qələbə olub.
Qarşılaşmanı gürcüstanlı Giorgi Kruaşvili idarə edib.
Qeyd edək ki, Azərbaycan millisi növbəti matçını martın 30-da eyni arenada Syerra Leone yığmasına qarşı keçirəcək.
