ain.az, Apa.az saytından verilən məlumata əsaslanaraq xəbər yayır.
Azərbaycan və Türkiyə arasındakı münasibətlər sosial media paylaşımlarından qat-qat yüksək səviyyədədir.
Bunu Türkiyənin hakim Ədalət və İnkişaf Partiyasının sədr müavini Kürşad Zorlu APA-nın Türkiyə bürosuna müsahibəsində bildirib.
Onun sözlərinə görə, son vaxtlar sosial şəbəkələrdə iki ölkə arasında nifaq yaratmağa yönələn paylaşımlar ciddi qəbul olunmur.
“Bizim münasibətimiz hər hansı sosial media paylaşımından qat-qat daha yüksəkdədir. Bu, taleyin bizi birləşdirdiyi bir yoldaşlıqdır”, – deyə Zorlu qeyd edib.
O vurğulayıb ki, Azərbaycan-Türkiyə əlaqələri yüksək səviyyədə davam edir və bundan sonra da inkişaf edəcək.
“Ölkələrimiz arasında çox yüksək səviyyəli münasibətlər var. Yaradılmağa çalışılan neqativ dalğalara qarşı qəti iradəmiz mövcuddur”, – deyə AKP rəsmisi əlavə edib.
Zorlu bildirib ki, hər iki ölkənin liderləri və xalqları arasında qardaşlıq münasibətləri davamlı və dəyişməzdir.
Daha ətraflı məlumat və yeniliklər üçün ain.az saytını izləyin.
