Slovakiya polisi Baş nazir Robert Fitsoya xəyanət ittihamı ilə istintaq başlayıb. İstintaq müxalifət partiyası Azadlıq və Həmrəylik (Sloboda a Solidarita, SaS)-ın lideri Branislav Qrelinqin sosial mediada elan etdiyi açıqlamadan sonra başlayıb.
"Bir ay əvvəl Fitsoya qarşı xəyanət və digər cinayətlərə görə şikayət ərizəsi verdim. SaS-dan olan həmkarlarımdan əlavə, bu şikayətə 13000-dən çox insan qoşulub", - deyə Qrelinq İnstaqramda yazıb
Baş Prokurorluğun şikayəti regional prokurorluğa, daha sonra isə polisə göndərilib, - Branislav Qrelinq qeyd edib. "Mən Robert Fitsonun ağır cinayətlərdə şübhəli bilindiyinə əminəm, ona görə də həm prokurorluğun, həm də polisin bu iş üzərində işləməsini və hələ də onu araşdırmamasını yüksək qiymətləndirirəm", - Qrelinq bildirib.
Müxalifət həmçinin baş naziri vəzifəsindən sui-istifadə etməkdə, insanlığa qarşı cinayətlərdə və terror fəaliyyətində iştirakda şübhəli bilir. Etirazın səbəbi Ukraynaya sözdə "təcili elektrik enerjisi" təchizatının dayandırılması olub.
SaS partiyası həmçinin Matuş Şutay Esztokun (Hlas) Daxili İşlər Naziri vəzifəsindən istefası tələb edən təklif təqdim etmək üçün imza toplayır. Müxalifət bu məsələ ilə bağlı səsvermənin növbəti parlament iclasında keçirilməsini istəyir.
Əziz MUSTAFA
