Ağdam rayonunda mina hadisəsi baş verib.
Manset.az-ın Qafqazinfo-ya istinadən məlumatına görə, hadisə rayonun işğaldan azad olunmuş Yüsifcanlı kəndi ərazisində qeydə alınıb.
İlkin xəbərlərə əsasən, kənd sakini 1985-ci il təvəllüdlü Abbasov Ceyhun Firdovsi oğlu minaya düşərək xəsarət alıb.
Hadisə ilə bağlı dərhal ANAMA əməkdaşları əraziyə cəlb olunub. Hazırda zərərçəkmiş şəxsin təhlükəli zonadan çıxarılması istiqamətində tədbirlər görülür.
Faktla bağlı araşdırma başlanıb.
Qeyd edək ki, işğaldan azad edilmiş ərazilərdə minalar hələ də ciddi təhlükə mənbəyi olaraq qalır və vətəndaşlara bu zonalarda ehtiyatlı olmaları tövsiyə olunur.
