Bakı, 25 mart, AZƏRTAC
19 yaşadək futbolçulardan ibarət Azərbaycan milli komandası Avropa çempionatının seçmə mərhələsinin birinci raundu çərçivəsində ilk oyununa çıxıb.
AZƏRTAC xəbər verir ki, B liqasının 6-cı qrupunda yer alan yığma Litvanın Kaunas şəhərində yerli komanda ilə qarşılaşıb. “Raudondvario” stadionunda keçirilən görüş rəqibin 4:0 hesablı qələbəsi ilə yekunlaşıb. Qeyd edək ki, millimiz növbəti oyununu martın 28-də Şimali İrlandiya yığmasına qarşı keçirəcək.
