İrana qarşı həyata keçirilən əməliyyatlar zamanı İsrailin Hərbi Hava Qüvvələri Tehran şəhərində yerləşən iki raket istehsalı müəssisəsini hədəfə alıb.
SİA xəbər verir ki, bu barədə İsrail ordusunun mətbuat xidməti rəsmi məlumat yayıb.
Açıqlamada qeyd olunur ki, vurulan obyektlər birbaşa İran Müdafiə Nazirliyinin tabeçiliyində olub. Həmin zavodlarda əsasən dənizdə yerləşdirilən uzunmənzilli qanadlı raketlərin layihələndirilməsi və istehsalı prosesi həyata keçirilirdi.
