Avropa Baş Prokurorluğunun rəhbəri Laura Kövesi Avropa İttifaqı rəhbərliyinin korrupsiya və fırıldaqçılıq haqqında ictimai müzakirələri "susdurmağa" çalışdığını bildirib. O, ofisinin müstəqil qalacağını və araşdırmalarını davam etdirəcəyini deyib.
Musavat.com xəbər verir ki, Euractiv-ə müsahibəsində Kövesi bildirib ki, Avropa Komissiyasının yüksək vəzifəli məmuru ondan Avropa Baş Prokurorluğu tərəfindən aşkar edilən korrupsiya və fırıldaqçılığın miqyası ilə bağlı ictimai açıqlamaları "susdurmağı" istəyib.
Kövesi əlavə edib: "Mən dedim ki, bunu mənə deməyə necə cəsarət edirsən? Biz müstəqilik. Əgər bir iş varsa, bizim vəzifəmiz onu araşdırmaqdır". O, əlavə edib ki, ittihamlar Aİ-nin yüksək vəzifəli məmurlarını əhatə etsə belə, onlara göz yuma bilməz.
Prokurorun sözlərinə görə, EPPO-ya ilk rəhbərlik etdiyi altı il ərzində agentlik 3600-dən çox iş açıb, 1 milyard avrodan çox vəsaitin dondurulmasını təmin edib və Aİ-nin ən yüksək vəzifəli şəxsləri də daxil olmaqla bir sıra təqsirləndirilən şəxsləri məsuliyyətə cəlb edib.
Eyni zamanda, Kövesi qeyd edir ki, blok daxilindəki siyasi və institusional mexanizmlər effektiv nəzarəti "ağrılı şəkildə çətinləşdirir".
“Saxtakarlığın qarşısını almalı, audit aparmalı və hesabat verməli olan bir çox orqanımız, strukturumuz və ofisimiz var. Və sonra bir gün başa düşürsünüz ki, heç kim əslində etməli olduğu işi görmür. 20 illik profilaktikadan sonra - baxın, bu kifayətdirmi? - prokuror ötən ilki təxminən 67 milyard avro dəyərində şübhəli saxtakarlıq fəaliyyəti və digər maliyyə cinayətləri haqqında hesabatı təqdim edərkən deyib.
O, həmçinin qeyd edib ki, "üzv dövlətlərin dəstəyinin olmaması araşdırmaların müddətinə təsir göstərə bilər". Nümunə olaraq, Kovesi hələ həll olunmamış uzun sürən işləri, o cümlədən Belçikada Aİ tarixindəki ən böyük peyvənd tədarükü müqaviləsi ilə bağlı araşdırmanı misal gətirib. Bu işdə Avropa Komissiyasının prezidenti Ursula fon der Leyenin rolu araşdırılır.
Musavat.com
