İspaniya La Liga çərçivəsində keçiriləcək növbəti “ El-Klasiko”nun vaxtı rəsmən müəyyənləşib.
Məlumata görə, 35-ci turda Barcelona ilə Real Madrid arasında baş tutacaq qarşılaşma mayın 10-da keçiriləcək. Oyun Camp Nou stadionunda oynanılacaq və Bakı vaxtı ilə saat 23:00-da start götürəcək.
Qeyd edək ki, komandalar arasında cari mövsümün ilk dövrəsində keçirilən görüşdə Madrid təmsilçisi səfərdə 2:1 hesablı qələbə qazanmışdı. Bu dəfə isə tərəflər arasındakı prinsipial mübarizənin necə nəticələnəcəyi böyük maraq doğurur.
