Tehranın Hind okeanındakı Dieqo-Qarsiya bazasına atdığı raketlər İranın hərbi potensialının Londona qədər çata biləcəyini nümayiş etdirib.
AFN.az xəbər verir ki, bu barədə "The Daily Telegraph" qəzeti məlumat yayıb.
Nəşr qeyd edir ki, əgər Tehran öz raket qurğularını 180 dərəcə döndərsəydi, London asanlıqla hədəf zonasına düşə bilərdi.
Xatırladaq ki, fevralın 28-dən ABŞ və İsrailin İrana qarşı başlatdığı hərbi əməliyyatlara cavab olaraq, İran tərəfi regiondakı müxtəlif hərbi obyektlərə, o cümlədən Dieqo-Qarsiya adasındakı müştərək bazaya zərbələr endirib.
