Rusiya prezidenti Tehrana dəstəyini ifadə edib, yüksək vəzifəli şəxsin ölümü regionda rezonans doğurur...
Rusiya prezidenti Vladimir Putin İranın ali lideri Muctəba Xameneiyə Ali Milli Təhlükəsizlik Şurasının katibi Əli Laricaninin həlak olması ilə bağlı başsağlığı ünvanlayıb.
Poliqon xəbər verir ki, bu barədə İranın dövlət televiziyası IRIB məlumat yayıb.
Məlumata görə, Putin göndərdiyi mesajda Laricaninin ölümünü böyük itki kimi qiymətləndirib və onun İranın dövlət idarəçiliyində mühüm rol oynadığını vurğulayıb. Rusiya lideri həmçinin İran xalqına və mərhumun ailəsinə dərin hüznlə başsağlığı verib.
Qeyd olunur ki, Əli Laricani İranın siyasi və təhlükəsizlik sistemində əsas fiqurlardan biri hesab olunurdu və onun ölümü ölkə daxilində və beynəlxalq səviyyədə geniş müzakirələrə səbəb olub.
Analitiklər bildirirlər ki, Putinin bu addımı Moskva ilə Tehran arasında mövcud strateji tərəfdaşlığın davam etdiyini göstərir. Eyni zamanda, bu cür diplomatik jestlər regionda baş verən hadisələr fonunda siyasi mesaj kimi də qiymətləndirilir.
Poliqon.info
