Böyük Britaniyanın kəşfiyyat təyyarəsi Qara dəniz üzərində uçuş həyata keçirib » AzadMedia.az

Böyük Britaniyanın kəşfiyyat təyyarəsi Qara dəniz üzərində uçuş həyata keçirib

Böyük Britaniyaya məxsus radioelektron kəşfiyyat təyyarəsi — Boeing RC-135W Rivet Joint — Qara dənizin şərq hissəsi üzərində uçuş həyata keçirib.

Məlumata görə, təyyarə İngiltərədə yerləşən RAF Waddington aviabazasından havaya qalxıb, Avropa üzərindən uçaraq Rumıniya istiqamətindən Qara dəniz hava məkanına daxil olub. Uçuş marşrutu Sevastopol şəhərinin cənubundan keçib.
Şərq istiqamətində müəyyən məsafə qət etdikdən sonra təyyarə geri dönərək marşrutunu tamamlayıb.

Qeyd olunur ki, bu tip kəşfiyyat uçuşları mütəmadi xarakter daşıyır. Oxşar missiya sonuncu dəfə 16 mart tarixində qeydə alınıb.