XIII Qlobal Bakı Forumu çərçivəsində “Danışıqlardan kənarda: COP-u yaşatmaq uğrunda mübarizə” mövzusu müzakirəyə çıxarılıb.
AZƏRTAC xəbər verir ki, "Fortescue Ltd." şirkətinin Direktorlar Şurasının üzvü Jean Baderschneiderin moderatorluğu ilə keçirilən panel iclasda COP31-in sədri və Türkiyənin ətraf mühit, şəhərsalma və iqlim dəyişikliyi naziri Murat Kurum, Azərbaycan Respublikası Prezidentinin iqlim məsələləri üzrə nümayəndəsi, COP29-un Prezidenti Muxtar Babayev, Mərakeşin keçmiş xarici işlər və əməkdaşlıq naziri, COP22-nin prezidenti Salaheddine Mezouar, Polşanın keçmiş iqlim və ətraf mühit naziri, COP24-ün prezidenti Michal Kurtyka, Misirin keçmiş xarici işlər naziri, COP27-nin prezidenti Sameh Shoukry, Bolqarıstan sabiq Prezidenti Petar Stoyanov və "Vital Voices Global Partnerships" təşkilatının İqlim Ədaləti Proqramının rəhbəri Hafsat Abiola çıxış edəcəklər.
