Bizimyol saytından verilən məlumata əsasən, ain.az məlumatı açıqlayır.
İran Xarici İşlər Nazirliyinin nümayəndəsi Əsmayıl Baqai, Avropa Komissiyasının sədri Ursula Fon der Lyenini ikili standartlı olmaqda və ABŞ ilə İsrailin iranlılara qarşı törətdiyi hərbi cinayətləri “təmizləməyə” çalışmaqda ittiham edib.
Bizimyol.info xəbər verir ki, bu barədə Baqai "X" sosial şəbəkəsində yazıb.
"Zəhmət olmasa, ikili standartlardan uzaq olun. Siz karyeranızı tarixdə səhv tərəfi tutaraq üzrə qurmusunuz – işğalı, soyqırımı və vəhşilikləri təsdiqləyərək, indi isə ABŞ və İsrailin iranlılara qarşı törətdiyi hərbi cinayətləri və aqressiyanı “təmizləyirsiniz”. Minab şəhərində 165-dən çox günahsız iranlı uşağın öldürüldüyü zaman səsiniz niyə çıxmadı? Xəstəxanalar, tarixi abidələr, neft müəssisələri, diplomatik, polis qərargahı, yanğınsöndürən hissələr və yaşayış məhəllələrinə yönəlmiş bu zərərli hücumlar zamanı niyə susursunuz?"
Baqai əlavə edib ki, "haqsızlıq və vəhşilik qarşısında susmaq, əmrəy olmaqdan başqa bir şey deyil".
28 fevral tarixində ABŞ və İsrail İran ərazisinə hərbi əməliyyat başlayıb. Hücumlar İranın ən iri şəhərlərinə, o cümlədən Tehrana yönəldilib. Ağ Ev bu hücumları raket və nüvə təhlükəsi kimi bəhanələrlə əsaslandırıb. İran İslam İnqilabı Keşikçiləri Korpusu genişmiqyaslı əks-hücum elan edərək İsraildə obyektlərə zərbə endirib. Eyni zamanda ABŞ obyektləri Bəhreyn, İordaniya, Qətər, Küveyt, BƏƏ və Səudiyyə Ərəbistanında hədəfə alınıb. İran ərazisinə endirilən zərbələr nəticəsində ali lider Ayətullah Əli Xamenei, onun ailə üzvləri və ölkənin digər önəmli rəhbər şəxsləri həlak olub.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
