Olaylar.az xəbər verir ki, o, bu barədə ATƏT nümayəndə heyəti ilə keçirilən görüşdən sonra jurnalistlərə açıqlamasında danışıb.
Bokuchavanın sözlərinə görə, ATƏT Parlament Assambleyasının əsas funksiyası müxtəlif ölkələrdə dialoq üçün imkanlar yaratmaqdır. Lakin Gürcüstan müxalifəti nümayəndə heyətinə izah edib ki, hazırkı şəraitdə ölkədə belə bir imkan mövcud deyil.
"Məlumdur ki, ATƏT Parlament Assambleyasının missiyası dialoq üçün platforma yaratmaqdır və bu, təkcə Gürcüstana deyil, bütün ölkələrə aiddir. Lakin onlar yaxşı anlayırlar və biz də bir daha izah etdik ki, İvanişvili kimi diktatorun insanları əsassız şəkildə həbs etdiyi, ölkədə əhalinin sayına nisbətdə Putinin Rusiyasından daha çox siyasi məhbusun olduğu, repressiv qanunların qəbul edilməyə davam etdiyi və insanların seçki qutusunda azad seçim etmək imkanının olmadığı bir şəraitdə dialoq üçün heç bir məkan yoxdur", - deyə Bokuchava bildirib.
Onun sözlərinə görə, dialoq imkanının yaranması üçün əvvəlcə mövcud problemlər və çağırışlar aradan qaldırılmalıdır. Yalnız bundan sonra ölkədə dialoq mühitinin formalaşması mümkün ola bilər.
