ain.az, Azertag saytından verilən məlumata əsaslanaraq xəbər yayır.
Astana, 9 mart, AZƏRTAC
Qazaxıstanın Şuçinsk şəhərində kafedə baş vermiş partlayış nəticəsində həlak olanların sayı 11 nəfərə çatıb.
AZƏRTAC Qazaxıstan mediasına istinadla xəbər verir ki, son iki gün ərzində daha iki zərərçəkən dünyasını dəyişib. Martın 8-də “Avitsenna-Burabay” stasionar mərkəzinin reanimasiya şöbəsində olan bir pasiyent, martın 9-da isə Kokşetau şəhərindəki Akmola vilayət çoxprofilli xəstəxanasında müalicə alan bir qadın vəfat edib.
Xatırladaq ki, fevralın 26-da Şuçinsk şəhərində birmərtəbəli “Plov mərkəzi” kafesində partlayış baş verib.
Faktla bağlı cinayət işi açılıb.
Elşən Rüstəmov
AZƏRTAC-ın xüsusi müxbiri
Astana
Ən son xəbərləri və yenilikləri almaq üçün ain.az saytını izləyin.
