Çin və Avropa İttifaqı (Aİ) arasındakı ticarət dövriyyəsi bu ilin yanvar-fevral aylarında ötən ilin müvafiq dövrü ilə müqayisədə 22,7% artaraq 142,24 milyard dollara çatıb. Çin Baş Gömrük İdarəsinin məlumatına görə, hesabat dövründə Çindən Aİ ölkələrinə ixrac 27,8% artaraq 100,99 milyard dollar, idxal isə 11,7% artaraq 41,25 milyard dollar təşkil edib. Beləliklə, Çinin Avropa ilə ticarətdəki müsbət saldosu 41,7% artaraq 59,74 milyard dollara yüksəlib.
Aİ dövlətləri arasında Almaniya Çinin əsas ticarət tərəfdaşı statusunu qoruyub; iki ölkə arasındakı dövriyyə 19,6% artaraq 35,73 milyard dollar olub. Almaniyadan sonra ən böyük ticarət həcmi Niderland (18,08 milyard dollar) və Fransa (14,61 milyard dollar) ilə qeydə alınıb. Xatırladaq ki, Çin və Aİ arasındakı ticarət dövriyyəsi 2024-cü ildə cəmi 0,4% artdığı halda, 2025-ci ildə bu rəqəm 5,4% yüksələrək 828,11 milyard dollara çatmışdı.
