Bizim media saytından alınan məlumata görə, ain.az bildirir.
İran Xarici İşlər Nazirliyi yeni ali liderin seçilməsi ilə bağlı müzakirələrin davam etdiyi bir vaxtda müəmmalı bəyanat yayıb. Açıqlamada keçmiş prezident Seyid Məhəmməd Xatəminin adı çəkilərək onunla bağlı mesajın “nəzərdə tutulan şəxslərə çatdırıldığı” bildirilib.Bizim.Media xəbər verir ki, Nazirliyin yaydığı qısa bəyanatda qeyd olunub ki, Xatəminin İranın yeni lideri seçilməsi ilə bağlı mesaj artıq lazımi ünvanlara göndərilib. Bununla belə, açıqlamada mesajın məzmunu və kimlərə yönəldiyi barədə əlavə məlumat verilməyib.
Ekspertlər hesab edirlər ki, bu açıqlama İran daxilində yeni ali liderin müəyyənləşdirilməsi prosesi ilə bağlı informasiya strategiyasının bir hissəsi ola bilər. Bəzi analitiklər isə bunun İranın ali dini liderinin seçilməsi məsələsində beynəlxalq ictimaiyyəti çaşdırmaq və ya diqqəti başqa istiqamətə yönəltmək üçün aparılan kampaniya ilə əlaqəli ola biləcəyini irəli sürürlər.
Hazırda İranın ali rəhbərliyində dəyişikliklərlə bağlı proses davam edir və Ekspertlər Şurasının yeni liderlə bağlı qərarı yaxın vaxtlarda açıqlaya biləcəyi bildirilir. Bu səbəbdən Tehrandan gələn hər bir rəsmi və qeyri-rəsmi mesaj regionda diqqətlə izlənilir.Xatırladaq ki, İran İslam Respublikasının yeni Ali Rəhbərinin adı rəsmi şəkildə açıqlanıb. İran mediasının yaydığı məlumata görə, ölkənin ali dini və siyasi rəhbəri vəzifəsinə Ayətullah Seyid Müctəba Hüseyni Xameneyi seçilib.Bildirilir ki, qərar 88 üzvdən ibarət Ekspertlər Şurasının iclasında qəbul olunub. Şura İran Konstitusiyasına əsasən ölkənin ali liderini seçmək səlahiyyətinə malik əsas qurum hesab olunur.
Ayətullah Seyid Müctəba Hüseyni Xameneyi İranın əvvəlki ali lideri Ayətullah Əli Xameneinin oğludur və uzun illərdir dini və siyasi dairələrdə nüfuzlu fiqur kimi tanınır. Onun seçilməsi İran rəhbərliyində hakimiyyətin davamlılığını təmin etmək cəhdi kimi qiymətləndirilir.
Yeni ali lider ölkənin ən yüksək siyasi və dini rəhbəri hesab olunur və İranın daxili və xarici siyasətində əsas qərarları müəyyən edən fiqurdur. Ali rəhbər silahlı qüvvələrin ali baş komandanı olmaqla yanaşı, strateji dövlət institutlarına da nəzarət edir.Müşahidəçilərin fikrincə, Müctəba Xameneyinin ali lider seçilməsi regionda davam edən gərginlik fonunda İranın siyasi kursunun dəyişməyəcəyinə işarə edə bilər. Bununla yanaşı, yeni rəhbərin fəaliyyətinin ölkənin daxili siyasi balansına və beynəlxalq münasibətlərinə necə təsir edəcəyi diqqətlə izlənilir.Bizim.Media
Hadisənin gedişatını izləmək üçün ain.az saytında ən son yeniliklərə baxın.
