ain.az, Yeniavaz portalına istinadən məlumatı açıqlayır.
“İsrailin İranın 30 yanacaq anbarına endirdiyi zərbələr ABŞ-nin gözləntilərini əhəmiyyətli dərəcədə aşıb və müttəfiqlər arasında ilk ciddi fikir ayrılığına səbəb olub”.
Yeniavaz.com xəbər verir ki, bu barədə “Axios” hər iki tərəfdəki mənbələrə istinadən məlumat yayıb.
Belə ki, İsrail martın 7-si yanacaq anbarlarına zərbə endirib. İsrail Müdafiə Qüvvələri yanacaq anbarlarının İran rejimi tərəfindən digər şeylər arasında öz ordusunu təchiz etmək üçün istifadə edildiyini iddia edib.
İsrail ABŞ-yə hücum barədə məlumat verib. Lakin mənbələrə görə, Amerika ordusu zərbələrin miqyasından təəccüblənib. ABŞ İsrailin infrastruktura endirdiyi zərbələrin İran cəmiyyətini rejim ətrafında birləşdirə biləcəyindən və neft qiymətlərinin daha yüksək olmasına səbəb ola biləcəyindən narahatdır.
“Prezident bu hücumu bəyənmir. O, nefti yandırmaq yox, qorumaq istəyir. Və bu, insanlara yüksək benzin qiymətlərini xatırladır”, - ABŞ Prezidenti Donald Trampın müşaviri bildirib.
Respublikaçı senator Lindsi Qraham (Trampın yaxın müttəfiqi) İsraili hədəf seçərkən ehtiyatlı olmağa çağırıb. O qeyd edib ki, İsrail rejimi sarsıtmaq məsələsində təsirli qabiliyyətlər nümayiş etdirib:
“Lakin tezliklə İran xalqının öz taleyini həll edəcəyi gün gələcək və buna görə də İsrail diqqətli olmalıdır, çünki neft iqtisadiyyatı İran xalqının rejimin süqutundan sonra yeni və daha yaxşı bir həyata başlaması üçün vacib olacaq”.
Ən son xəbərləri və yenilikləri almaq üçün ain.az saytını izləyin.
