Demokrat.az portalından alınan məlumata görə, ain.az xəbər verir.
Dünyada hər il təxminən 2 milyon insanda kolon xərçəngi aşkarlanır və bu xəstəlik artıq yalnız yaşlılara xas problem hesab olunmur. Onkoloq Özlem Sönmez bildirir ki, son illərdə 40 yaşlılar və hətta daha gənc şəxslər arasında da bu xəstəliyə daha tez-tez rast gəlinir. Həkimin sözlərinə görə, piylənmə, hərəkətsiz həyat tərzi və sürətli qidalanma vərdişləri bu artımın əsas səbəbləri sayılır.Demokrat.az xəbər verir ki, kolon xərçəngi dünyada ən çox ölümə səbəb olan xərçəng növləri arasında ikinci sıradadır. Bu xəstəlik uzun müddət hər hansı əlamət vermədən inkişaf edə bildiyi üçün xüsusilə təhlükəli sayılır. Ekspertlər qeyd edir ki, müntəzəm müayinələr və həyat tərzində dəyişikliklər xəstəliyin qarşısını almaqda mühüm rol oynayır.Kolonoskopiya zamanı aşkar edilən poliplərin xərçəngə çevrilmədən çıxarılması riski əhəmiyyətli dərəcədə azaldır.Səhiyyə qurumlarının tövsiyələrinə görə, 50-70 yaş arası şəxslər hər iki ildən bir nəcisdə gizli qan testi etdirməlidir. Bundan əlavə, hər 10 ildən bir kolonoskopiya müayinəsindən keçmək məsləhət görülür. Heç bir şikayət olmasa belə bu yoxlanışlar həyat qurtara bilər. Xüsusilə dəmir çatışmazlığı, qanazlığı və nəcisdə qan kimi hallara diqqətlə yanaşmaq tövsiyə edilir.Mütəxəssislər bildirir ki, ailə faktorunun da böyük rolu var. Ailəsində kolon xərçəngi olan şəxslərdə xəstəliyə tutulma riski digər insanlarla müqayisədə 2-4 dəfə yüksəkdir. Əgər yaxın qohumlarda gənc yaşda bu diaqnoz qoyulubsa, risk qrupuna daxil olan şəxslər müayinələrə daha erkən başlamalıdır. Belə hallarda kolonoskopiyanın 40 yaşdan və ya ailə üzvünə diaqnoz qoyulan yaşdan 10 il əvvəl aparılması tövsiyə edilir.Həkimlər aşağıdakı əlamətlər müşahidə olunduqda vaxt itirmədən tibbi müayinəyə müraciət etməyi vacib sayır: nəcis ifrazı vərdişlərində uzunmüddətli dəyişiklik, nəcisdə və ya düz bağırsaqda qanama, səbəbsiz çəki itkisi və davamlı halsızlıq, qarın nahiyəsində ağrı və şişkinlik.Qeyd edək ki, xəstəlik erkən mərhələdə aşkar edildikdə tam sağalma mümkündür. Müasir tibbdə tətbiq olunan immunoterapiya və hədəflənmiş dərmanlar isə müalicə imkanlarını daha da genişləndirir.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
