Azərbaycan millisi səfərdə macarlara məğlub oldu

Qadın futbolçulardan ibarət Azərbaycan millisi dünya çempionatının (DÇ-2027) seçmə mərhələsində növbəti matçına çıxıb.

Arena.az xəbər verir ki, Siyasət Əsgərovun baş məşqçisi olduğu komanda bu gün C Liqasının 3-cü qrupunda Macarıstan yığması üz-üzə gəlib.

Felksutdakı “Panço Arena”da baş tutmuş görüşə Bakı vaxtı ilə saat 20:00-da start verilib. Görüşü Portuqaliyadan olan hakimlər briqadası idarə edib. Matçın baş hakimi Filipa Pereyra Kunya olub. Ona yan xətt hakimləri Andreya Souza və Kristiana Moreyra Kosta kömək ediblər.

Qarşılaşmanın taleyini bir qol həll edib. Meydan sahibləri minimal hesabla qalib gəliblər.

Xatırladaq ki, Azərbaycan millisi qrupdakı ilk oyununu bir neçə gün öncə Bakıda Şimali Makedoniya yığmasına qarşı keçirib və 2:0 hesablı qələbəyə sevinib.

DÇ-2027-nin seçmə mərhələsi
C Liqası, 3-cü qrup
7 mart

Macarıstan – Azərbaycan 1:0
Baş hakim: Filipa Pereyra Kunya.
Baş hakimin köməkçiləri: Andreya Souza, Kristiana Moreyra Kosta
Dördüncü hakim: Sara Alves (Hakimlər briqadası Portuqaliyadandır).
Felksutd. “Panço Arena”. Saat 17:30.