ABŞ prezidenti Donald Tramp İrana hərbi hücum etmək üçün Konqresin təsdiqinə ehtiyacı olmadığını və bunu Konqresdən istəməyəcəyini bildirib.ABŞ prezidenti Tramp Amerika xəbər platforması olan "Real Clear Politics"ə verdiyi müsahibədə İranla müharibə üçün icazə ilə bağlı müzakirələrə toxunub.

Tramp vurğulayıb ki, həm Senatda, həm də Nümayəndələr Palatasında çoxluq təşkil edən respublikaçılara baxmayaraq, "Konqresdən müharibə icazəsi istəmək niyyətində deyil".
ABŞ prezidenti İranla müharibə üçün icazə istəyib-istəməyəcəyi ilə bağlı suala "Xeyr, düşünmürəm" cavabını verdi.

Tramp iddia etdi ki, onlar indiyə qədər İrana qarşı hücumlarda çox uğurlu olublar və bunun üçün təsdiqə ehtiyacları yoxdur.

Trampın bu açıqlaması diqqətəlayiqdir, çünki Demokratlar və bəzi Respublikaçılar Konqresə başqa bir ölkəyə müharibə elan etmək səlahiyyəti verəcək və Trampın Konqresin təsdiqi olmadan İranla müharibəyə girməsinin qarşısını alacaq "Müharibə Səlahiyyətləri Qanunu"nu tətbiq etmək səylərini davam etdirirlər.

aia.az
Tərcümə şöbəsi

• Hücum
• Konqres
• Tramp
• Təsdiq
• İran