Müəllif:Mehin Qasımova,Banco.az
Almaniyanın avtomobil nəhəngi "BMW" cihaz paneli naqillərinin nasaz quraşdırılmasından qaynaqlanan yanğın riski səbəbindən dünya miqyasında təxminən 337 min avtomobili geri çağırmaq qərarına gəlib.
Banco.az xəbər verir ki, Almaniya Federal Avtomobil Nəqliyyatı İdarəsi (KBA) bu riskin Almaniyadakı 29 min avtomobilə də təsir etdiyini açıqlayıb.
9 iyun 2022-ci il ilə 5 dekabr 2025-ci il arasında istehsal olunmuş 5- ci seriya, i7, 7-ci seriya , i5 və M5 modelləri potensial olaraq risk altındadır.
Kokpit kabel dəstinin düzgün yerləşdirilməməsi mikrofiltrin dəyişdirilməsi zamanı naqillərin zədələnməsinə, nəticədə qısaqapanma, tüstülənmə və hətta yanğına səbəb ola bilər. Problemin aradan qaldırılması üçün kabel dəstinin yerləşdirilməsi yoxlanılacaq və zərurət olduqda düzəliş ediləcək.
Onlar bunun qısaqapanmalara, tüstüyə və nəticədə yanğın riskinə səbəb ola biləcəyi barədə xəbərdarlıq etdilər.
Hələlik yanğın hadisəsi qeydə alınmasa da, geri çağırılma nəqliyyat vasitələrinin yoxlanılmasını və naqillərdəki hər hansı bir səhvin düzəldilməsini əhatə edir.
