ain.az, Lent az portalına istinadən məlumat yayır.
Hindistanın Bihar ştatında toy mərasimi zamanı qanlı hadisə baş verib.
Lent.az xarici mediaya istinadla bildirir ki, maskalı şəxs səhnəyə yaxınlaşaraq 18 yaşlı Aarti Kumarini güllələyib. Bu zaman isə o, bəy ilə ritual çələng mübadiləsi edirmiş. Güllə qızın qarnına dəyib, cinayətkar isə hadisə yerindən qaçıb.
Toyda səslənən gur musiqi atəş səsini basdırdığı üçün qonaqlar baş verənləri dərhal anlamayıblar. Gəlin qan itirərək yerə yıxıldıqdan sonra məclisdə təşviş yaranıb. Huşunu itirməzdən əvvəl Aarti yaxınlarına atəş açanın adını pıçıldayıb: “Dinbandhu mənə atəş açdı”.
Sonradan məlum olub ki, hücumun arxasında ailənin qonşusu dayanırmış. O, qızı istədiyi üçün iki il ərzində onu təqib edib. Qızın rədd etdiyi şəxs onun evlilik qərarı ilə barışa bilməyərək qisas almağa qərar verib. Onun təhdidlərinə görə toy mərasimi daha əvvəl bir dəfə təxirə salınıb, lakin bu dəfə yaxınları hər şeyin sakit keçəcəyinə ümid ediblər.
Yaralı əvvəlcə yerli xəstəxanaya aparılıb, daha sonra Varanasi şəhərindəki klinikaya köçürülüb. Həkimlər onun vəziyyətini ağır qiymətləndirirlər, o, süni tənəffüs aparatına qoşulub. Polis şübhəli şəxsin axtarışını davam etdirir.
Hadisənin gedişatını izləmək üçün ain.az saytında ən son yeniliklərə baxın.
