Rusiya tərəfindən saxta sxemlər vasitəsilə cəlb edilmiş 36 Afrika ölkəsindən 1780-dən çox muzdlu əsgər Rusiya ordusunda Ukraynaya qarşı vuruşur.
Turkustan.az xəbər verir ki, bunu Ukraynanın xarici işlər naziri Andrey Sibiqa Kiyevdə Qananın xarici işlər naziri Samuel Okudzeto Ablakva ilə birgə mətbuat konfransında bildirib.
“Biz Rusiyanın Afrika vətəndaşlarını ölümə, müharibəyə sürükləməyə çalışdığını açıq şəkildə görürük . Məlumatlarımıza görə, bu gün Afrika qitəsindən 1780-dən çox vətəndaş Rusiya ordusunda döyüşür... Ümumiyyətlə, məlumatlarımıza görə, 36 Afrika ölkəsinin nümayəndələri Rusiyanın tərəfində döyüşlərdə iştirak edir. Beləliklə, düşünürəm ki, bu, böyük bir çağırışdır”, - deyə Sibiga bildirib.
O, Rusiyanın bu vətəndaşları saxtakarlıqla müharibəyə sürüklədiyini və onları ölümə məhkum etdiyini vurğuladı, buna görə də bu cür işə qəbul sxemlərini ifşa etmək çox vacibdir.
Bu kontekstdə Xarici İşlər Naziri bir çox afrikalı həmkarları ilə söhbətlər apardığını və bu söhbətlər zamanı onları konkret hallar barədə məlumatlandırdığını bildirdi.
Aytən Yaşar/ Turkustan.az
