ain.az bildirir, Yeniazerbaycan portalına istinadən.
Ukraynada müharibənin dördüncü ildönümündə Fransa Prezidenti Emmanuel Makron Avropa İttifaqını (Aİ) Rusiyaya qarşı 20-ci sanksiyalar paketinin qəbulunda irəliləməyə çağırıb. Macarıstanın Baş naziri Viktor Orban, həftəsonu bu paketin qəbulunu bloklamaq niyyətini açıqlayıb.
AZƏRTAC xəbər verir ki, fevralın 23-də finlandiyalı həmkarı Aleksandr Stubb ilə birgə çıxış edən Makron deyib: “Rusiyaya təzyiqi artırmağa davam edəcəyik. Avropa İttifaqının 20-ci sanksiyalar paketi üzrə irəliləməliyik və yaxın günlərdə müzakirələr aparılacaq”.
Avropa Komissiyası Ukraynanın 24 fevral 2022-ci ildə işğalından sonra Rusiyaya qarşı yeni sanksiyalar paketini təqdim edib. Paket xarici işlər nazirləri tərəfindən, işğalın ildönümünə qədər qəbul olunmaq üçün hazırlanıb. 20-ci paket komissiya sədri Ursula Fon der Lyayen tərəfindən təqdim olunub və bank və enerji sektorunu hədəf alacaq, həmçinin Rusiya neft tankerlərinə dəniz xidmətlərinin göstərilməsi qadağan ediləcək.
Lakin Macarıstanın Baş naziri Viktor Orban ölkəsinin Ukraynanın ərazisindən keçən və hazırda zədələnmiş neft kəməri vasitəsilə Rusiya neftinin tədarükü bərpa olunmayınca paketin qəbulunu bloklayacağını açıqlayıb.
Emmanuel Makron eyni zamanda dekabr ayında Aİ tərəfindən prinsipi təsdiqlənmiş Ukraynaya 90 milyard avro məbləğində kreditin həyata keçirilməsində də qətiyyətini nümayiş etdirib. Viktor Orban isə eyni səbəblərlə bu kreditin qəbulunu da bloklayacağını bildirib.
Sonrakı hadisələr barədə daha çox məlumat almaq üçün ain.az saytını izləyin.
