Səudiyyə Ərəbistanından yayılan toy görüntüləri sosial şəbəkələrdə geniş rezonans doğurub.
Milli.Az xəbər verir ki, kadrlarda gəlinin qardaşının bəy tərəfinə iri, parlaq və düzbucaqlı formalı qızılı hədiyyələr təqdim etdiyi əks olunub.
Görüntülər yayıldıqdan sonra istifadəçilər arasında fikir ayrılığı yaranıb. Bəziləri təqdim olunan bağlamaların qızıl külçələr olduğunu iddia etsə də, digərləri bunun lüks qablaşdırmada təqdim edilən Patchi şokoladları ola biləcəyini irəli sürüb.
Müzakirələr təkcə hədiyyələrin maddi dəyəri ilə məhdudlaşmayıb. İzləyicilər mərasimdəki jestin simvolik tərəfinə də diqqət çəkiblər. Bəyin sakit və təmkinli davranışı, mərasim boyu nümayiş etdirdiyi hörmət və diqqət bir çoxları tərəfindən ailə bağlarının və ənənələrin önə çəkilməsi kimi dəyərləndirilib.
Qeyri-müəyyənlik, vizual effekt və simvolizm görüntülərin sürətlə viral olmasına səbəb olub. Sosial media platformalarında video ilə bağlı müzakirələr davam edir.
Musa
Milli.Az
