Milanın "İnter" klubunun lideri Lautaro Martinesin aldığı zədə səbəbindən təqribən dörd həftə ərzində komandasına kömək edə bilməyəcəyi ehtimal olunur.
Redaktor.az xəbər verir ki, bu barədə klubun mətbuat xidməti məlumat yayıb.
Tibbi müayinə nəticəsində məlum olub ki, Argentina millisinin 28 yaşlı üzvünün sol ayağının baldır əzələsində dartılma mövcuddur.
Təcrübəli hücumçu Çempionlar Liqasının pley-off mərhələsi çərçivəsində Norveçin "Budyo Qlimt" klubu ilə baş tutan qarşılaşmada zədələnib. Xatırladaq ki, həmin görüş "İnter"in 1:3 hesablı məğlubiyyəti ilə yekunlaşıb.
