Rusiya Federal Təhlükəsizlik Xidməti (FSB) Teleqram-ın qurucusu Pavel Durovla danışıqlar aparmır.
APA-nın Moskva bürosu xəbər verir ki, bunu FSB-nin direktoru Aleksandr Bortnikov bildirib.
Onun sözlərinə görə, əvvəllər FSB Durovla danışıqlar aparıb: "Biz əvvəllər də danışıqlar aparmışıq, amma bu, yaxşı bir şeyə gətirib çıxarmayıb".
Qeyd edək ki, Roskomnadzor Rusiyada Teleqram-ı bloklamağa başladığını açıqlayıb. Qurum buna sosial şəbəkənin Rusiya qanunvericiliyinə əməl etmədiyini əsas gətirib. Rusiyada Teleqram-dakı şəxsi yazışmalara xarici xüsusi xidmət orqanlarının əlçatan olduğu barədə iddialar yayılıb.
