Spiegel: Mərkəzi Kəşfiyyat İdarəsi (MKİ) əvvəlcə Şimal Axını və Şimal Axını 2 qaz kəmərlərini sabotaj etmək üçün terrorçuların planlarından xəbərdar idi
MKİ əvvəlcə Şimal Axını və Şimal Axını 2 qaz kəmərlərini sabotaj etmək üçün terrorçuların planlarından xəbərdar idi. Bu barədə Almaniyanın Spiegel qəzeti araşdırmaya istinadən məlumat yayıb.
Nəşrin məlumatına görə, ABŞ kəmərə hücum planlarından əvvəllər düşünüləndən daha tez xəbər tutub. Mənbələr bildirib ki, 2022-ci ilin yazında MKİ agentləri kəmərə hücumun təşkilatçıları ilə görüşüb və sabotajın texniki təfərrüatları barədə məlumat mübadiləsi aparıblar.
Şimal Axını və Şimal Axını 2 qaz kəmərlərində partlayışlar 26 sentyabr 2022-ci ildə baş verib. Hadisə baş verən zaman birinci marşrut boyunca qaz vurulması təmir üçün dayandırılıb, ikincisi isə hələ kommersiya istismarına başlamayıb.
Nəticədə dörd kəmərdən üçünə ciddi ziyan dəyib. Operator Nord Stream AG zərərin görünməmiş olduğunu bildirib və mümkün bərpa müddətini qiymətləndirməkdən imtina edib.
